]](( لـــــوح الزمــــان ))[/

المدير التنفيذي

تبرق سما الدنيـا وتقبـل عقبهـا الغيـوم
وتحتضن في صدرها الأمطار تقول رحاله
وأنا همي كتم صدري بلوعـة المحـروم
من فقد أهلـه وخلانـه وعـاش بلحالـه
بربي حلفت أعيش وأنا عزيـز محشـوم
وأنال اللي قبلـي ماقـد وصلـه ونالـه
أبحرم هـدب عينـي مـن لذيـذ النـوم
وأرفع كفوفي لربي اللي دوم نلجـا لـه
يمهدلي دربي ويزيح عن صدري همـوم
سبحانه القادر من ثبـت الأرض بجبالـه
ويبعد عني العذال وأهل العتـب واللـوم
وأعيش بدنيتي محروم ولا للبشـر عالـه
أنا ماارضى بالهوان ولو موتـي محتـوم
أبرضى بالموت ولو دموع العين همالـه
أبحيـا فـي دنيتـي وسـط كـل القـوم
بين ذكور وإناث يعنـي نسـاه ورجالـه
وماهمني من طبعه ماخذ(ن) طبع رخـوم
وماهمني من طبعه ماخذ(ن) طبع حثالـه
أستغفر الله لاقلت: الدين في قلبهم مهضوم
وش ننتظر إن كان واحدهم الربا مدخالـه
خانوا الأمانه والوفا في نهجهـم معـدوم
وشاع الكذب الأبيض والأسود بكل اشكاله
كلمة الواحد تطعنك مثل الخنجر المسموم
ولاطاح الشجر قلـي: وش يفيـد ظلالـه
أبرسم للحقيقه في لوح الزمـان رسـوم
ويهيـم فيهـا مـن عـزم يهيـم بخيالـه
ويتدبر معانيها من عن صدر الأم مفطـوم
مـن ساعتـه ذيـك إليـن رزة عقـالـه
يارب ياللي ترحم فجعة الميت المرحـوم
تهدي قلوب الناس والخير دوم ترقـا لـه
ونعيش رافعين الراس في وجه الخصـوم
يداً بيد ونوصل اللي ماقـد وصلنـا لـه
ومـن حـس بدنيتـه أنـه دوم مهـزوم
يفز ويذكر الله ويدحر الشـر أشـوا لـه

وســــــلامتكم
منقول

مـنـتـديـات جـريـح الـمـشـاعـر

(معاشر الذيب? )

ملفات وبرامج منوعة