وضاع الحب

------

بسأل وياريت حد يجاوب

حبيبى ياناس فين غايب

عينيا عشانه سهرانه

وقلبى فى دموعها دايب

جنينتى دبلت وحزينه

على حب هان علينا

ووردها الدبلان يبكى

ودموعه نبع بيسقينا

وشجره فى يوم زرعناها

وأسامينا عليها كتبناها

وقلوبنا كمان رسمناها

زعلانه على حب ضاع

وضيعناه بايدينا

وسكه زمان مشيناها

سيبناها الضلمه ماليتها

وعشه كمان بنيناها

دابت فى جراحها ودمعتها

وبلابل هنانا غناها

حاتبكى لحزن تغريدها

وأزهار زمان سقيناها

وكان لينا فيها اّمال

دبلت وبنبكى عليها

وشايلين الحزن جبال

ومافيش حاجه فى أيدينا

غير دمع مالى عينينا

وقلبى للعذاب شيال

وشط مشينا عليه

ونهر شربنا منه

الشط أنا تايه فيه

والنهر بيسألنى عنه

وياللى معاكم حبيبى

خلوه ينام ويرتاح

أنا راضى خلاص بنصيبى

وحاصبر على حب راح

دحبيبى حايفضل حبيبى

مهما ملتنى الجراح

مهما ملتنى الجراح