هذه اقوى قصيده خيانه قرأتها فى حياتى

للشاعر الاماراتى محمد بو رحيمه

بس صراحه قصيده قلسيه جدااااااااااااااااااا




لاردك الله لا ولا اطلب تردين
ادعي عليك بعثرة في صلاتي
عثره تشلك ما بعدها تقومين
يالي نقضتي عهودنا الماضياتي
خدان لك بالقلب كانت بساتين
وريضان وغصون بها يانعاتي
كانت تروح الروح ساعة تروحين
وتعاف نفسي شربها والمقاتي
وكنتي مناة القلب والروح والعين
واليوم عينك يعلها ما تباتي
كنت أحسبك للعهد والحب توفين
قلتي الغدر بالحب ماهو سواتي
وبان الغدر سم جرى بالشرايين
الله عسى يسجيك سم الفعاتي
كلي سقيتك حب واليوم تنسين
تقولين حلم ايام واليوم فاتي
وخذتي الهوى لعبه على ما تحبين
لين عصفت بالهوى عاصفاتي
وصرتي بشعري في العذاري تباهين
تقولين أنا شمس العصر في حلاتي
وبالشعر صورتك خزام ورياحيين
وأثرك هضاب وشوك ما به هداتي
بالشعر غليتك على كل غاليين
واثرك دنيه تتبعين الدناتي
رسمتك سحابه خير قطر تنفين
فزت لك الصحراء زهور ونباتي
رسمتك مهاة للجميله تقودين
واثرك خروف مضيعتها الرعاتي
توسلت لك على حب عامين
عامين لكن في حسابي مئاتي
ناديت لكن لي ابد ما تسمعين
عمري وروحي والفكر في شتاتي
خنتي وبعتي كل عهد وايامين
ما عاد يفرق بين ماضي واتي
وصرتي مثل غيرك برخص تبيعين
يا مرخصتني ما بقى لك غلاتي
تحسبين انك بالمهافات ترقين
كيف الصعود يكون للهاوياتي
والنوق من تخرص فلا يفيد تمرين
ما يفيدها قرص وضرب العصاتي
ويا ناقة خرصا تكلفة سنتين
فلا لانت بشده ولا بالهداتي
اسبوع في دوامي ولا أي غير يومين
ويوم اوصل الدار اتصل واحاتي
صبري نفذ واليوم ثارت براكين
مظلوم أنا وباكر تحل ادعواتي
سمعي عسى من بعدها ما تسمعين
سمعي دعاء من صار قلبه حصاتي
عساك عوق منه ما عاد تبرين
عوق تشافق له قلوب العداتي
ادعي عسى من ناضرك ما تشوفين
وتطحن بك الايام طحن الرحاتي
ويالله عسى يحتار فيك المداوين
تبين الممات ولا يجيك المماتي
ويالله عسى كف الندامه تعضين
تندمين يوم انه يفوت الفواتي
وتبكين دم يسيل من مقلة العين
ويحتار قلبك من عناك وتعاتي
وعساك ما تلاقين منه القلب تهدين
وان هوحصل ادعي عساك الشتاتي
يا بلوة اللي وسط بيته تعيشين
غافي وحوله شب جمر الغضاتي
عسى بعمرك ساعة ما تهنين
وتمضي حياتك بين هم وشقاتي
يا بنت قلبي وين مثله تلاقين
قلبا عطاك الحب ما قال هاتي
جيتك وروحي شلتها لك بكفين
وفي التاليه رمح الخيانه جزاتي
يالله عساك النار يا أم وجهين
كله انكشف لا ما تفيد العباتي
ويالله عسى تلبسك جن وشياطين
وتكونين مدعاة الحكي و الشماتي
والله ماني منتظر قلبك يلين
والمقبلات اكثر من الفالتاتي
وما عادتي اتبع ضعون المقفين
ريحا تشل ضعونج المقفيلتي
يا ليله ظلما على الله تزولين
وتاتي ليالي سعدنا مشرقاتي
يا حية رقطا تقود الثعابين
باكر تحن ايامك المعتماتي
يا ظالمه نفسك ترى الدهر يومين
يوما النجاة ويوم مابه نجاتي
بيني وبينك تحكم ايام وسنين
وانا شاهدي قلبا من الغدر ماتي
لو كان عذرك في كفوف الموازين
لاكان ربح كل غدر البناتي
ويا دمعة التمساح لالا تذرفين
العيون رغم ادموعها كاذباتي
لا ما عرفتي الحب لا ما تحسين
وغدرك تعدى غدر ذيب الفلاتي
الذيب يعوي قبل يغدر بمسكين
وانتي غدرتي خافقي في سباتي
انتي السبب سقتي على القلب جرحين
غدر الغرام وموجع الذكرياتي
وانتي السبب واليوم لا تلومين
وان ياك باكر شوفي شلون ياتي
والله لاكتب وافضحك في دواوين
وارزف واغني يوم خبر الوفاتي
وارسم لاهل العشق قلبا وسهمين
وقصة خيانة ما روتها الرواتي
ويمين لانشر فوق اسمك عناوين
واشهرك من قاصي اليمن للفراتي
ومن غرب هالدنيا الى قاصي الصين
ديوان غدر فيه كل اللغاتي
والبادي اظلم سنة العين بالعين
والا فهاذي لا عادتي ولا صفاتي
ويا شبه انسانه برأس ورجلين
اعوذ بالرحمن منك بصلاتي




والله انا ما تمنى للانسانه اللى ماحبتنى غير ان الله يسهلها

ويرزقها ابن الحلال والله يهنيها يارب ويكرمها

هل ممكن تكون كل هذه القسوة فى شخص

والله انا ما اتصور ذلك

اعتقد انه ممكن يزعل منها يخاصمها

لكن كل دى قسوة والله حراااااااام

بس الله اعلم ماذا فعلت به حبيبته

الله يكون فى عونه وعونها يارب

وهذه القصيده تعبر عن الشاعر فقط

رغم انها قاسية جدا وجدا وانما اللي يكتب مو بيده يكتب ولا بعقله يكتب بقلبه اللي يبوح عن كل الالم وكل جرح في وجدانه

وصلتنا قصيدة عن جد رائعة تسلم والله يعافيك

اللي يكتب مو بيده يكتب ولا بعقله يكتب بقلبه اللي يبوح عن كل الالم وكل جرح في وجدانه

وصلتنا قصيدة عن جد رائعة


والله رائعه لصاحبها

وصدقتى اللى يكتب اكيد قلبه يوصل لمشاعره

اللى صاير له

على العموم انسه نادين

انتى نورتينا كعادتك

وخفف طعم الحدة بالكتابه مرورك عليه

يعطيكى العافيه مشكوووووووووووووووووورة كتيررررررررررررررررر

قصييييده حدهااا روعه
كلمات نابعه من القلب ومن القهرر الي فيه
يسلمووو ع القصيده الله يعطيك العافية