الراعى والديب والاغنام

مشرف فضي

انتبه ياعم يا راعـــــــــــــــــى الديب داخل اراضيكم

نايم بدون داعى والله دا حــــــــــــــــــــــايم حواليكم
انتبه ياعم ياراعى
شايف اغنامك دى شقيه بتنط وتلعـــــــب على الميه
الكل بيأكل ويغنى فرحـــــــــــــــــان بيجرى ومتهنى
انتبه ياعم ياراعى
يابنى الديب ده انا ربيته كــــــــــان مرضان ودويته
كان عطشان وسقيته واكـــــــــــلته وكبرته ورعيته
وحرسته على اغنامى وعمــــــــــره ماخانى ورأيته
انتبه ياعم ياراعى
الدنيا يابنى كأس داير الكــــــــــــــــــل ما يغيب عنه
نصيب وكله له ساير ومنظم خـــــــــــلقه قريب منه
حكيم ياعم ياراعى
ونام الراعى بســــــــــــــــكون وساب اغنامه للديب
يجرى ويلعب بجنون منتظر ساعـــــــــــه ما يصيب
وللارض رب الكون عـــــــــــارفين والله بدون ريب
عارفين ياعم ياراعى
بس اعقلها وتوكــــــــــــــــل على اللى عينه ما تنام
ونام وهو اللى يأكـــــــــــــــــــل الاجنه جوة الارحام
مش صح ياعم ياراعى
شفت غنمايه جميله ماشيه وولادها بيأكلو حواليها
ورجل الديب ليها مــــــــــاشيه وماسك ايدوه باديها
اصحى ياعم ياراعى
اخدها بعيد يلاعبـــــــــــــــــها وسلمت ليه ولارادته
وبخفه نط واكلها وضيع حياتـــــــــــــــــــها بأرادته
ضيع اسرة باكمــــــــــــــلها دا ديب وهى دى عادته
وضاعت ياعم ياراعى
بنادى عليك باعلى صـــــوتى اصحى يانايم ياغفلان
اصحى واسأل وين روحـــــــــتى دا ديب زى الثعبان
مين المسئول ياخواتى انا ولا الـــــــــــراعى التعبان
انت المسئول يا راعى
ولادها بيجروا وبيبكوا ضيــــــــــــــع حياتهم الخاين
لمين يروحوا ويشكــــــــــــوا والظلم واضح وباين
م الليله الحزن مواعدكوا من الليله ماعاد فيه امان
اتظلمو ياعم ياراعى
بتاكل وترضع اولادهــــــــــا وعايشع معاهم بحنان
وجه الديب وضيعهــــــــــــا والديب والله ماله امان
شفت الديب ياراعى
مش ذنبك دا حال الدنيا كبيرهـــــــــا بيأكل اصغرها
والعمر بيعدى بثانيه دى غابــــــــه واحنا عايشينها
دى غابه ياعم ياراعى
عجيبه الدنيا واحوالها بتـــــــــــــأخذ اكتر ما بتدى
شفت فيها اعجبها دا قــــــــــــــطار دايس ما يهدى