السلام عليكم والرحمه

قصة أربع بنات ....
واربعتهم حلويين
وجوفوا الحقد بين البنات بس .........

أربع بنات صديقات في سن واحد
وأكثر وقتهم مع بعض وعايشيين على الوناسة
والثقة متبادلة بينهم
مرت السنين وكبروا البنات
ويه النصيب حق بنت من البنات الأربع
والبنيه طايرة من الفرح
لن الخطيب وحيد أمه وأبوه متوفي وولد خير
المهم البنات الثلاث الغيرة والحقد أترست قلوبهم على البنية
إن ليش أهي أسبقتنه في الخطبه
وتموا البنات يفكرون أشلون يردون البنية نفس قبل؟؟

وقبل الدخله بيوم البنات أشحنوا البنيه أفكار خبيثة عن أم زوجها
إن أهي بتأذيج وبتغربلج وبتكون سوسه بينج وبين زوجج
إهني البنيه تمت خايفه وحذرة من أم زوجها
فتمت البنيه حذرة ليله دخلتها وجنها داشة حرب مع أم زوجها
من أول يوم بتسكن فيه مع زوجها وأمه
وفعلا تمت الكراهية ,الحقد والزعل بين الزوجة والأم
والسبب نصيحة البنات المضرة للزوجة
والزوج المسكين بين ناريين
وبعد فترة الزوجة تضايقت من هالعيشة ويا أم زوجها
من كثر الأهواش, رغم إن زوجها مايقصر معاها
فكرت الزوجة أشلون أتخلص من الأم بأي طريقة
فراحت للحواج
وقالت له : أبي سم يقتل الأنسان عقب شهر من غير ما يبين سبب الوفاة
الحواج : بتستخدمين السم حق من ؟ وشسم اللي تبين أسمينه؟
الزوجه : حق أم زوجي الشريه عيوز النار , أتصدق كلمه طيبة ما تقولي
الحواج : هذه طلب موجود لكن لازم أتكون أهناك سريه تامه بيني وبينج
والسم يكلف مبلغ غالي شوي.
الزوجة : تطمن و تأكد سرك في بير
والفلوس جاهزة
الحواج : تعالي باجر وإن شاء الله يصير خير
واليوم الثاني راحت الزوجة حق الحواج

الحواج : هذي السم , لكن إذا تبين مفعوله يكون أسرع وأنفع
لازم تلتزمين في شغلة , واللي أهي أنج كل يوم أصبح أتشربينها قطرة من القرشة
في قلاص ماي , وتكون معاملتج معاها أحسن مايمكن على أساس أتكون اهي مرتاحه نفسيا
والسم ياخذ مفعوله بشكل سليم في جسمها
وبدت الزوجة خطتها كل يوم على نفس المنوال
وعقب شهر
راحت الزوجة تركض حق الحواج وويها أصفر
تترجى الحواج إن يعطيها دواء يعالج السم اللي في جسم الأم
قال لها الحواج : ليييييش ؟
الزوجة : لن أنا عدلت من أسلوبي معاها وأهي طيبة فعدلت علاقتها معاي
وبصراحه أنا حبيتها من طيبتها وأهي حبتني , فأرجوك جوف لي حل؟ جوف لي دوة؟
الحواج : عطيني قرشة السم
وقام الحواج وشرب الباقي من القرشة
وقال : هذي القرشة متروسة ماي لا غير
فرجعت الروح للزوجة من الوناسة
وعطت الحواج أكراميته على هالخبر , ومشت حق بيتها

وصارت حياة الزوجة والزوج والأم في سعادة
والله سبحانه رزقهم بالأعيال اللي يملي عليهم البيت

البنات بين بعض الحقد ما في عليه
وهذه حكمة الحواج
__________________
{من المؤمنين رجالا صدقوا ماعاهدوا الله عليه}

بارك الله فيك اخي الكريم

تسلم الشيخ على مرورك الشيخ الطيب ويشرفني هذا طبعا حبوب