1. ينزل الغاتم على الموظفين.مافي أحد يتكلم (( الجارج مخلص )) .



2. تسمع صوت الذبان من كثر الهدوء.



3. الكل بردان من المكيف.



4. تحصلهم يفترون من مكتب الى مكتب(( زيارات )) علشان تطير النوده ويضيعون وقت.



5. كل واحد يطالع الساعه (( يعد الدقايق و الثواني )).



6. الشباب حالتهم حاله،ريجهم ناشف،براطمهم بيض،عقالهم طايح على جهه.



7. الحريم ويوهم سايحه و متمقطه، ومن السرير الى الدوام دايركت.



8. عيون مبققه بس جذي.



9. والي حاط يده على جبينه يازعم يفكر وهو راقد.



10 . والي يمبطح في (( السياره )).



11 . والي يروح المسجد من الساعه 10:0 ما يطلع الا الساعه 1:00.



12 . والمسجد منبط من المصلين ماشاء الله وما مافي مكان تصلي فيه.



13. لو نحط عداد علشان نحسب كم مره يتثاوبون الموظفين في أول اليوم من رمضان (( يحترق العداد )) .


.
.
.
.


رمضان شهر التوبه و الغفران.



رمضان شهر الخير والبركات.



رمضان شهر الصحه لللأبدان